BizRecycling cob qhia, muab kev pab, thiab muab nyiaj pab pub dawb los pab cov lag luam, cov koom haum non-profit, cov tsev kawm ntawv, thiab cov tsev apartment uas nyob hauv Ramsey thiab Washington County kom paub siv khoom es thiaj tsis muaj khib hnyiab ntau ntau thiab paub tias cov khib hnyiab twg siv tau mus ua lwm yam.
Peb Cov Kws paub txog kev muab cov khib hnyiab uas siv tau mus ua lwm yam yuav pab kom koj lub lag luam paub thiab txawj tshuaj ntsuam es thiaj tsis muaj khib hnyiab ntau ntau. Tej kev pab ntawd kuj muaj raws li tshuaj xyuas seb cov khib hnyiab ntawd los qhov twg los, tshuaj ntsuas kom paub tias raug li cas thiab yuav txuag tau nyiaj li cas, pab tawm tswv yim seb yuav muab cov khib hnyiab thiab tej yam uas txawj lwj coj mus siv ua lwm yam tau li cas. Kuj muaj kev cob qhia rau cov neeg ua hauj lwm thiab cov neeg uas nyob hauv tej tsev thiab kev pab ua ntaub ntawv thov nyiaj pab pub dawb.
Muaj tsib hom nyiaj pub dawb los pab koj lub lag luam kom paub ua li cas thiaj tsis muaj khib hnyiab ntau ntau, paub muab cov khib hnyiab uas tseem siv tau los siv thiab ua lwm yam.
Nyiaj Pab Pub Dawb Rau Kev Cob Qhia Kom Txhob Ua Khib Hnyiab Ntau Ntau & Kev Nrhiav Tswv Yim Tshiab
Cov nyiaj pub dawb yog siv rau tej kev npaj, tej khoom rau khib hnyiab, kev cob qhia kom txawj txuag khoom kom cov khoom ntawd ua hauj lwm zoo thiab kav ntev dua es thiaj tsis muab ntau yam khoom pov tseg. Cov nyiaj pab no muaj txog $50,000.
Nyiaj Pub Dawb Rau Kev Txuag Zaub Mov
Cov lag luam, cov koom haum non-profit, thiab cov chaw uas muab khoom noj khoom haus rau cov neeg uas tsis muaj txaus noj uas raug xaiv, muaj feem tau txog li $20,000 los mus pab tej kev uas lawv ua uas muab zaub mov rau cov neeg tsis muaj txaus noj txaus haus. Pob nyiaj no tsuas pub them rau tej khoom ub no, lub chaw rau khoom noj, kev thauj khoom noj haus lub tsev thiab tej khoom siv hauv lub tsev faib zaub mov thiab pab them me ntsis rau cov neeg ua hauj lwm hauv.
Nyiaj Pub Dawb Rau Kev Muab Khib Hnyiab Siv Ua Lwm Yam
Cov nyiaj pub dawb rau cov lag luam thiab cov tsev kawm ntawv muaj txog $10,000 thiab rau cov tsev apartment uas xav pib sau los sis nrhiav kev kom muab tau cov khib hnyiab uas siv mus tau ua lwm yam los sis kev sau khoom noj uas txawj lwj kom ua tau zoo dua ces muaj feem tau txog li $20,000. Pob nyiaj no kuj pab tau cov lag luam me. Cov nyiaj no tsuas siv tau los them rau cov khoom sau kihib hnyiab thiab qhov chaw, thiab rau tej ntaub ntawv thiab tej nuj nqis uas them rau tej kev cob qhia kom paub txog kev sau khib hnyiab xwb.
Nyiaj Pub Dawb Yuav Thoob Khib Hnyiab-Xwb
Cov lag luam me thiab cov koom haum non-profit uas tau peev tsis tshaj $1 plhom ($1 milion) thov tau txog li $2,500 ntawm pob Nyiaj uas Yuav Thoob Khib Hnyiab-Xwb los mus yuav cov thoob khib hnyiab thiab tej khoom sau khib hnyiab ntawm BizRecycling.
Nyiaj Muab Rau Cov Sau Khoom Noj Haus
Cov Nyiaj Muab Rau Cov Sau Khoom Noj Haus txhawb kom cov tsev kawm ntawv, cov lag luam thiab cov koom haum non-profit kom lawv xav pib los sis xav sau tej khoom noj haus ntau dua ntxiv. Yuav muab txog li $5,000 rau cov uas tau txais pob nyiaj no los pab them rau kev thauj cov khib hnyiab koom noj haus.
Yog koj xav nrog ib tug uas hais lus Hmoob tham, ces tiv tauj:
Minnesota Hmong Chamber of Commerce
Yog xav nrog ib tus neeg hais lus As Kiv tham, hu xov tooj mus rau:
Hu rau peb los sis ntaus koj lub npe, koj lub e-mail thiab seb koj muaj lus nug txog dab tsi. Xa tuaj! Peb mam li hais kom ib tug Kws Paub Txog Kev Muab Khib Hnyiab Siv Mus Ua Lwm Yam tiv tauj koj.
Yuav kom nrog tau ib tug uas hais lus Askiv tham, ces tiv tauj
Cov ntaub ntawv thov nyiaj pab uas yog cov hais ua lus Hmoob